Լոնդոնի «Չելսիի» եւ կատալոնական «Բարսելոնայի» իսլանդացի նախկին հարձակվող Էյդուր Գուդյոնսենը պայմանագիր է կնքել անգլիական «Բոլթոնի» հետ, տեղեկացնում է ակումբի կայքը: Պայմանագիրը նախատեսված է մինչեւ մրցաշրջանի ավարտը:
36-ամյա ֆուտբոլիստի նախկին ակումբը բելգիական «Բրյուգեն» էր: Գուդյոնսենն ազատ ֆուտբոլիստի կարգավիճակով է տեղափոխվել «Բոլթոն»: Հիշեցնենք, որ 2013-ի նոյեմբերին հարձակվողն ավարտեց ելույթներն Իսլանդիայի հավաքականում, որի կազմում անցկացրած 78 խաղում դարձել է 24 գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում