Բիլբաոյի «Աթլետիկի» նկատմամբ տարած հաղթանակից հետո Մադրիդի «Ռեալի» առաջատար Կրիշտիանու Ռոնալդուն հայտարարել է, որ իր համար թիմային հաջողությունները կարեւոր են անձնական ձեռքբերումներից:
«Ինձ համար ամենակարեւորը չեմպիոնական տիտղոսն է: Ես երկու անգամ դարձել եմ առաջնության լավագույն ռմբարկու, սակայն դա անյքան էլ կարեւոր ձեռքբերում չէ:
«Ռեալն» արժանի էր այս տիտղոսին: Այս մրցաշրջանում մենք շատ ավելի ուժեղ էինք «Բարսելոնայից»,- Ռոնալդուի խոսքը մեջբերում է Marca-ն:
Հիշեցնենք, որ «Աթլետիկի» հետ խաղում 11 մետրանոցը չիրացրած Ռոնալդուն «Բարսելանոյի» հարձակվող Լիոնել Մեսիի հետ պայքարում է Պրիմերայի լավագույն ռմբարկու ճանաչվելու համար: Այս պահին պորտուգալացին խփել է 44 գոլ, իսկ արգենտինացին՝ 46:
Հետևեք NEWS.am SPORT-ին Facebook-ում, Twitter և Telegram-ում