Իտալական A Սերիայի 36-րդ տուրում «Միլանը» սեփական խաղադաշտում երկու անպատասխան գնդակ ուղարկեց «Ատալանտայի» դարպասը: Դաշտի տերերի կազմում աչքի ընկան գանացի կիսապաշտպան Սալի Մունտարին ու բրազիլացի հարձակվող Ռոբինյոն:
Մրցաշարային աղյուսակը գլխավորող Թուրինի «Յուվենտուսը» սեփական խաղադաշտում չկարողացավ հաղթել «Լեչեին»՝ 1:1:
9-րդ րոպեին Իտալիայի հավաքականի կիսապաշտպան Կլաուդիո Մարկիզիոն բացեց հանդիպման հաշիվը՝ առաջ մղելով «Յուվենտուսին»: Երկրորդ խաղակեսի սկզբնամասում «Լեչեն» մնաց 10 ֆուտբոլիստներով: 54-րդ րոպեին կարմիր քարտի արժանացավ կոլումբացի պաշտպան Խուան Կուադադոն: Թվում էր, թե «Յուվենտուսին» ոչինչ չի խանգարի հերթական հաղթանակը տանել եւ ավելի մոտենալ չեմպիոնական տիտղոսին, սակայն հանդիպման ավարտից հինգ րոպե առաջ թուրինցիները գոլ բաց թողեցին: Ջանլուիջի Բուֆոնի սխալից հետո աչքի ընկավ «Լեչեի» իտալացի կիսապաշտպան Անդրեա Բերտոլաչին:
Առաջնության ավարտից երկու տուր առաջ «Յուվենտուսը» 78 միավորով գլխավորում է մրցաշարային աղյուսակը՝ մեկ միավորով գերազանցելով երկրորդ տեղում գտնվող «Միլանին»:
Իտալիայի առաջնություն. 36-րդ տուր
«Միլան» - «Ատալանտա»՝ 2:0
Մունտարի, 9, Ռոբինյո, 90
«Կատանիա» - «Բոլոնիա»՝ 0:1
Ռամիրես, 79
«Ջենոա» - «Կալյարի»՝ 2:1
Պալասիո, 12, Յանկովիչ, 76 – Արիունադո, 13
«Պարմա» - «Ինտեր»՝ 3:1
Մարկես, 53, Ջովինկո, 55, Բիաբիանի, 83 – Սնեյդեր, 13
«Ֆիորենտինա» - «Նովարա»՝ 2:2
Մոնտոլիվո, 48 (11մ.), 71 – Ժեդա, 14, Ռիգոնի, 30 (11մ.)
«Լացիո» - «Սիենա»՝ 1:1
Լեդեսմա, 32 (11մ.) – Դեստրո, 27
«Չեզենա» - «Ուդինեզե»՝ 0:1
Ֆաբրինի, 4
«Յուվենտուս» - «Լեչե»՝ 1:1
Մարկիզիո, 9 – Բերտոլաչի, 85
Հեռացում՝ Կուադադո, 54 («Լեչե»)
Հետևեք NEWS.am SPORT-ին Facebook-ում, Twitter և Telegram-ում