Ֆուտբոլի Իսպանիայի առաջնության 21-րդ տուրում կատալոնական «Բարսելոնան» սեփական խաղադաշտում 3 անպատասխան գնդակ ուղարկեց «Մալագայի» դարպասը:
Խերարդո Մարտինոյի թիմը մեծ առավելություն ուներ ամբողջ խաղի ընթացքում եւ տարավ վստահ հաղթանակ: Խերարդ Պիկեն խփեց «Բարսելոնայի» առաջին գոլը, Պեդրո Ռոդրիգեսը՝ երկրորդ, իսկ Ալեքսիս Սանչեսը վերջակետ դրեց խաղին: Վնասվածից ապաքինված Լիոնել Մեսին մասնակցեց ամբողջ հանդիպմանը եւ դարձավ գոլային փոխանցման հեղինակ:
Այս հաղթանակից հետո կատալոնացիները 54 միավորով գլխավորեցին մրցաշարային աղյուսակը: Նույնքան միավոր ունի նաեւ երկրորդ տեղում գտնվող Մադրիդի «Աթլետիկոն»: Մադրիդի «Ռեալը» 53 միավորով եզրափակում է եռյակը:
Իսպանիայի առաջնություն, 21-րդ տուր
«Բարսելոնա» - «Մալագա»՝ 3:0
Խերարդ Պիկե, 40, Պեդրո Ռոդրիգես, 55, Ալեքսիս Սանչես, 61
Հետևեք NEWS.am SPORT-ին Facebook-ում, Twitter և Telegram-ում