ՖԻԴԵ. Կրամնիկը բարձրացավ երրորդ տեղ՝ մոտենալով Արոնյանին

Շախմատի միջազգային ֆեդերացիան (ՖԻԴԵ) հրապարակել է համաշխարհային դասակարգման սեպտեմբերյան աղյուսակը, որը շարունակում է գլխավորել նորվեգացի Մագնուս Կարլսենը: 

Շախմատի Հայաստանի հավաքականի առաջատար Լեւոն Արոնյանը երկրորդ տեղում է: Հայ գրոսմայստերի վարկանիշը չի փոխվել՝ 2813 միավոր: Վարկանիշային աղյուսակում հաշվարկված չեն աշխարհի գավաթի խաղարկության արդյունքները։ Վերահաշվարկից հետո Արոնյանը կկորցնի 10.8 միավոր եւ կունենա 2802.2 միավոր։

Ռուսաստանցի Վլադիմիր Կրամնիկը 5-րդ տեղից բարձրացել է երրորդ՝ շրջանցելով իտալացի Ֆաբիանո Կարուանային եւ իր հայրենակից Ալեքսանդր Գրիշչուկին։ Կրամնիկը կբարելավի իր ցուցանիշը եւ կունենա 2797.3 միավոր՝ 5.1 միավորով զիջելով Արոնյանին։ 

100 լավագույն գրոսմայստերների ցուցակում են նաեւ Հայաստանի հավաքականն մյուս 4 ներկայացուցիչները՝ Սերգեյ Մովսեսյանը 51-րդն է, Վլադիմիր Հակոբյանը՝ 59-րդը, Գաբրիել Սարգսյանը՝ 72-րդը, իսկ Հայաստանի գործող չեմպիոն Տիգրան Լ. Պետրոսյանը 91-րդ տեղում է:

ՖԻԴԵ. դասակարգման աղյուսակ 

1. Մագնուս Կարլսեն (Նորվեգիա)` 2862 միավոր

2. Լեւոն Արոնյան (Հայաստան)` 2813

3. Վլադիմիր Կրամնիկ (Ռուսաստան)՝ 2794

4. Ալեքսանդր Գրիշչուկ (Ռուսաստան)` 2785

5.  Ֆաբիանո Կարուանա (Իտալիա)` 2779

6. Վիշվանաթան Անանդ (Հնդկաստան)՝ 2775

7. Շախրիյար Մամեդյարով (Ադրբեջան)՝ 2775

8. Սերգեյ Կարյակին (Ռուսաստան)՝ 2772

9. Հիկարու Նակամուրա (ԱՄՆ)՝ 2772

10. Վեսելին Թոփալով (Բուլղարիա)՝ 2769

49. Սերգեյ Մովսեսյան (Հայաստան)` 2699

60. Վլադիմիր Հակոբյան (Հայաստան)` 2691

73. Գաբրիել Սարգսյան (Հայաստան)` 2671

89. Տիգրան Լ. Պետրոսյան (Հայաստան)` 2660

Հետևեք NEWS.am SPORT-ին Facebook-ում, Twitter և Telegram-ում