Մարզումային հավաքի ընթացքում Դոնեցկի «Շախտյորի» գլխավոր մարզիչ Միրչա Լուչեսկուն տրանսֆերային քաղաքականության հարցով լուրջ վեճ է ունեցել ակումբի գլխավոր տնօրեն Սերգեյ Պալկինի հետ: Ռումինացի մասնագետը կարծում է, որ թիմի թույլ տրանսֆերային ձեռքբերումները կնվազեցնեն «Շախտյորի» շանսերն Ուկրաինայի առաջնությունում եւ եվրագավաթային մրցաշարերում:
Լուչեսկուն հույս ուներ Վիլիանի եւ Ֆերնանդինյոյի վաճառքից ստացած գումարով գնել բարձրակարգ ֆուտբոլիստների, գրում է ռումինական onlinesport.ro-ն:
Լուչեսկուն մտադիր է հեռանալ «Շախտյորից» եւ գլխավորել թուրքական «Ֆեներբահչեն», որի նախագահ Ազիզ Յիլդիրիմն արդեն ժամանել է Ուկրաինա եւ ցանկանում է բանակցել «Շախտյորի» ղեկավարության հետ:
Հետևեք NEWS.am SPORT-ին Facebook-ում, Twitter և Telegram-ում