18:17  ,  17 մայիսի, 2013

Լուչեսկու․ «Յուվենտուսը» պետք է այլ տարբերակներ փնտրի, քանի որ Մխիթարյանը չի հեռանա «Շախտյորից»

Հենրիխը «Շախտյորի» առանցքային ֆուտբոլիստներից է, այդ իսկ պատճառով նրան չենք վաճառի, հայտարարել է Դոնեցկի «Շախտյորի» գլխավոր մարզիչ Միրչա Լուչեսկուն, ով խոսքել է Հայաստանի հավաքականի կիսապաշտպան Հենրիխ Մխիթարյանի մասին։

«Հենրիխը թիմի առանցքային ֆուտբոլիստներից է, այդ իսկ պատճառով նրան չենք վաճառի: «Յուվենտուսը» պետք է այլ տարբերակներ փնտրի, քանի որ Մխիթարյանը չի հեռանա թիմից: Ցանկանում ենք շարունակել առաջընթացը Չեմպիոնների լիգայում, իսկ Հենրիխը շատ հետաքրքիր ֆուտբոլիստ է, ով անընդհատ շարունակում է աճել։

Բուֆոնն ինձ համար աշխարհի լավագույն դարպասապահն է, սակայն չեմ ասել, որ ցանկանում եմ իրականցնել նրա տրանսֆերը: Այո, հիանալի կլիներ, եթե նա հանդես գար «Շախտյորում», սակայն դա անհնար է:

Վստահ եմ, որ հաջորդ մրցաշրջանում ավելի լավ հանդես կգանք Չեմպիոնների լիգայում: Թիմում կան մի քանի երիտասարդ ֆուտբոլիստներ, որոնց ծառայություններով հետաքրքրված են եվրոպական մի շարք ակումբներ»,- Լուչեսկուի խոսքը փոխանցում է itasportpress.it-ը։

Հետևեք NEWS.am SPORT-ին Facebook-ում, Twitter և Telegram-ում