13:20  ,  10 ապրիլի, 2013

Գայտանա. Եթե Մխիթարյանը 25 գոլ խփի, ես «Շախտյորի» հիմնը կկատարեմ հայերեն

Ուկրաինացի երգչուհի Գայտանան փորձել է ոգեւորել Դոնեցկի «Շախտյորի» կիսապաշտպան Հենրիխ Մխիթարյանին, ով Ուկրաինայի ընթացիկ առաջնությունում եւս մեկ գոլ խփելու դեպքում կկրկնի մրցաշարի ռմբարկուական ռեկորդը:

Գայտանան «Շախտյորի» երկրպագու է: Նա հայտարարել է, որ եթե Հայաստանի հավաքականի կիսապաշտպանը 25 գոլ խփի ընթացիկ առաջնությունում, ապա ինքը «Շախտյորի» հիմնը կկատարի հայերենով, հաղորդում է Terrikon-ը:

«Ես երկրպագում եմ «Շախտյորին», այդ իսկ պատճառով մրցաշրջանի վերջին խաղերում կաջակցեմ թիմին ու Հենրիխ Մխիթարյանին: Նրա առջեւ բարդ խնդիր է դրված սահմանել ռմբարկուական ռեկորդ: Կարծում եմ՝ «Շախտյորի» հիմնը գեղեցիկ կհնչի հայերենով: Դա լավ խթան կհանդիսանա Հենրիխի համար, իսկ նա ինձ կօգնի երգի տեքստի հարցում»,- ասել է Գայտանան:

Հիշեցնենք, որ Ուկրաինայի ընթացիկ առաջնությունում Մխիթարյանը խփել է 21 գոլ: Առաջնության ավարտին մնում է 7 տուր:

Ուկրաինական Պրեմյեր լիգայի լավագույն ռմբարկուի ռեկորդը պատկանում է ուկրաինացի Սերգեյ Ռեբրովին եւ ուզբեկ Մաքսիմ Շաչկիխին, ովքեր մեկ առաջնության ընթացքում խփել են 22-ական գնդակ:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով


  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ