«Եթե Արոնյանը կարողանա գերազանցել ինքն իրեն եւ շարունակի նույն տեմպով, պայքարը շատ թեժ կլինի եւ մենք հույս կունենանք, որ կգրվանեք առաջին տեղը: Շատ դժվար կլինի, քանի որ Մագնուսը վերջին շրջանում ուղղակի մեծ թռիչք է կատարել՝ իր վարկանիշը 2800-ից բարձրացրել է 2878-ի, բայց հուսանք, որ Արոնյանին կհաջողվի հաղթել այս մրցաշարում»:
Այդ մասին NEWS.am Sport-ի թղթակցի հետ զրույցում ասաց գրոսմայստեր, շախմատի Համաշխարհային օլիմպիադայի կրկնակի չեմպիոն, ԽՍՀՄ վերջին չեմպիոն, այժմ մանկապատանեկան շախմատի ավագ մարզիչ Արտաշես Մինասյանը:
«Ընդհանուր առմամբ, Ռաջաբովը ընտրեց բավական պասիվ տարբերակ: Ինձ թվում է՝ նա ձգտում էր ոչ ոքիի: Համենայն դեպս, սկզբնախաղում այդպիսի տպավորություն ստեղծվեց: Եվ Արոնյանին հաջողվեց բավական հեշտ հավասարեցնել դիրքը, իսկ շախմատում, եթե սեւերով կարողանում ես հեշտ հավասարեցնել խաղը, հոգեբանորեն մեծ առավելություն ես ստանում: Հետագայում Արոնյանին հաջողվեց թեւթեւ մանեւվրներով մի քիչ առավելություն ստանալ: Արոնյանն ուներ նաեւ ժամանակի մեծ առավելություն, որը շատ կարեւոր է շախմատում: Հիմնականում, նաեւ դա էր պատճառը, որ Ռաջաբովը վերջում թույլ տվեց շախմատային լեզվով ասած` վրիպում եւ պարտվեց: Նա բավական երկար ժամանակ պաշտպանվում էր եւ ուներ նաեւ խնդիր ժամանակի հետ կապված: Շախմատում շատ դժվար է երկար ժամանակ պաշտպանվել: Դա տվեց իր արդյունքը, եւ Արոնյանը կամաց-կամաց կարողացավ հասնել հաղթանակի: Սա շատ կարեւոր հաղթանակ էր: Եվ արդեն ինչ-որ տեղ պարզ դարձավ երկու հիմնական հավակնորդների անունները, ովքեր կպայքարեն առաջին տեղի համար` Արոնյան եւ Կարլսեն:
Եթե Արոնյանը կարողանա գերազանցել ինքն իրեն եւ շարունակի նույն տեմպով, ապա պայքարը շատ թեժ կլինի եւ մենք հույս կունենանք, որ կգրվանեք առաջին տեղը: Շատ դժվար կլինի, քանի որ Մագնուսը վերջին շրջանում ուղղակի մեծ թռիչք է կատարել՝ իր վարկանիշը 2800-ից բարձրացրել է 2878-ի, բայց հուսանք, որ Արոնյանին կհաջողվի հաղթել այս մրցաշարում:
Արոնյանի ամենածանր պարտիան Կրամնիկի հետ էր: Այնտեղ նա ուներ վատ դիրք: Նրան շատ դժվարությամբ հաջողվեց պահպանել ոչ ոքին: Այս մրցաշարում ամենից կարեւոր բանը չպարտվել է: Պարտությունը կարող է հետագայում նաեւ հոգեբանորեն ազդել շախմատիստի վրա: Այդ պատճառով ամենակարեւոր պարտիան համարում եմ սա: Դե, հաղթանակիների մասին խոսք չկա»,- ամփոփեց Արտաշես Մինասյանը:
Վերա Մարտիրոսյան
Ֆոտո` Chess-news.ru
Հետևեք NEWS.am SPORT-ին Facebook-ում, Twitter և Telegram-ում