ՉԼ․ Խվիչա Կվարացխելիայի ռեկորդը

Ֆրանսիայի չեմպիոն եւ Չեմպիոնների լիգայի գավաթակիր ՊՍԺ-ի եւ Վրաստանի հավաքականի եզրային հարձակվող Խվիչա Կվարացխելիան Չեմպիոնների լիգայի փլեյ-օֆֆում արդյունավետության ռեկորդ է գրանցել Գերմանիայի չեմպիոն Մյունխենի «Բավարիայի» կիսաեզրափակիչի պատասխան խաղում (1:1) ֆրանսիացի հարձակվող Ուսման Դեմբելեին կատարած գոլային փոխանցման շնորհիվ։

25-ամյա Կվարացխելիան Չեմպիոնների լիգայի պատմության մեջ առաջին խաղացողն է, որին հաջողվում է փլեյ-օֆֆի 7 անընդմեջ հանդիպումներում դառնալ արդյունավետ գործողության հեղինակ, հաղորդում է Opta-ն։

Չեմպիոնների լիգայի ընթացիկ մրցաշրջանում Կվարացխելիան խփել է 10 գոլ, կատարել 6 գոլային փոխանցում։

ՊՍԺ-ն եզրափակիչում կմրցի Անգլիայի փոխչեմպիոն Լոնդոնի «Արսենալի» հետ։

Հետևեք NEWS.am SPORT-ին Facebook-ում, Twitter և Telegram-ում