Մակրոն. «Մարսելի» երկրպագու եմ, բայց այսօր կերկրպագեմ ՊՍԺ-ին

Ֆրանսիայի նախագահ Էմանուել Մակրոնը Չեմպիոնների լիգայի կիսաեզրափակիչում կերկրպագի ՊՍԺ-ին։ Ֆրանսիայի չեմպիոնը կընդունի Գերմանիայի նորընծա չեմպիոն Մյունխենի «Բավարիային»։

«Ես «Մարսելի» երկրպագու եմ, բայց այսօր երեկոյան խաղում է ՊՍԺ-ն, եւ ես կերկրպագեմ ՊՍԺ-ին։ Կարծում եմ՝ 3։1 հաշվով կհաղթի փարիզյան թիմը։

Չեմ կարող վստահաբար ասել, որ նրանք այս տարի դարձյալ կնվաճեն Չեմպիոնների լիգայի գավաթը, բայց ՊՍԺ-ն գերազանց թիմ է։ Կարծում եմ՝ մենք ունենք նաեւ գերազանց ազգային հավաքական։ Ես վստահում եմ Դեշամին»,– Մակրոնի խոսքը մեջբերում է L’Equipe-ը։

ՊՍԺ - «Բավարիա» առաջին հանդիպումը տեղի կունենա ապրիլի 28-ին եւ կմեկնարկի Երեւանի ժամանակով 23։00-ին։

Հետևեք NEWS.am SPORT-ին Facebook-ում, Twitter և Telegram-ում