Հայաստանի թիմը Սերբիայում հարգանքի տուրք մատուցեց Հայոց ցեղասպանության զոհերի հիշատակին (տեսանյութ)

Հայ սամբիստերը հարգանքի տուրք մատուցեցին Հայոց ցեղասպանության զոհերի հիշատակին։ Սերբիայի Նովի Սադ քաղաքում ավարտված Եվրոպայի պատանեկան ու երիտասարդական առաջնությանը 16 մեդալ նվաճած Հայաստանի սամբոյի ֆեդերացիայի պատվիրակությունը այսօր վերադառնում է հայրենիք։

Սակայն, մինչև օդանավակայան մեկնելը կար մի հանձնառություն, որն անպայման պիտի կատարվեր։

Սերբիայի մեծությամբ երկորդ քաղաքում՝ Նովի Սադում, հայերը վաղուց են ապրում, ժամանակին՝ 1746-ին կառուցել են նաև եկեղեցի՝ Սուրբ Գրիգոր Լուսավորիչ անունով, որը քանդվել է 1963-ին՝ պայմանավորված Մարշալ Տիտոյի բուլվարի ընդլայնմամբ, հաղորդում է ՀՍՖ-ի մամուլի ծառայությունը։

1992-ին այստեղ սերբահայ համայնքը տեղադրում է խաչքար, որը շնորհակալություն հայտնելու յուրօրինակ խորհրդանիշ է Նովի Սադ քաղաքին՝ 1739 թվականին թուրք յաթաղանից փրկված հայ փախստականներին ապաստան տրամադրելու համար և գնահատանքի տուրք՝ հարավսլավացի զոհված օդաչուներին, ովքեր օգնության էին գալիս 1988-ի ավերիչ երկրաշարժից տուժածներին։

Հենց այս խաչքարին ծաղիկներ դրեցին ու գլուխ խոնարհեցին մեր 27 մարզիկ-մարզուհիները, հավաքականի մարզիչներ Վովիկ Խոջայանը, Հայկ Ավետիսյանը, Հայաստանի սամբոյի ֆեդերացիայի նախագահ Միքայել Հայրապետյանը՝ հիշատակելով մեկուկես միլիոն անմեղ զոհերին։

Հիշում ենք և պահանջում։

Լինենք ուժեղ և հաղթող։

 Հայաստանի հավաքականի մեդալակիրները․

Պատանիներ

Մարզական սամբո /տղաներ/

Դավոյան Սևակ -53 կգ բրոնզ

Սիմոնյան Նարեկ-58 կգ բրոնզ

Ումուրշատյան Հակոբ-64 կգ բրոնզ

Շատվերյան Գոռ-71 կգ արծաթ

Մուրադյան Գոռ-79 կգ արծաթ

Բաբայան Գոգա-88 կգ բրոնզ

Երիտասարդներ

Մարզական սամբո /տղաներ/

Խաչատրյան Ալեքս-58 կգ ոսկի

Օհանյան Մհեր-71 կգ ոսկի

Վանոյան Լևոն -79 կգ բրոնզ

Սարուխանյան Սեյրան-88 կգ բրոնզ

Մարզական սամբո /աղջիկներ/

Մանուկյան Սյուզաննա-72 կգ արծաթ

Մարտական սամբո /տղաներ/

Գրիգորյան Գագիկ -58 կգ արծաթ

Թումասյան Միքայել-64 կգ արծաթ

Ադամյան Արմեն -71 կգ արծաթ

Համբարձումյան Վադիս-79 կգ արծաթ

Հարությունյան Արեն-98 կգ արծաթ

Հետևեք NEWS.am SPORT-ին Facebook-ում, Twitter և Telegram-ում