ՉԼ․ «Բարսելոնան» պարտվեց «Աթլետիկոյին», «Լիվերպուլը»՝ ՊՍԺ-ին (տեսանյութ)

Ֆուտբոլի Չեմպիոնների լիգայում քառորդ եզրափակիչի առաջին խաղում Իսպանիայի չեմպիոն եւ Լա Լիգայի ընթացիկ առաջատար «Բարսելոնան» ընդունեց Մադրիդի «Աթլետիկոյին» եւ պարտվեց 0:2 հաշվով։

44-րդ րոպեին հեռացվեց «Բարսելոնայի» իսպանացի պաշտպան Պաու Կուբարսին։

45-րդ րոպեին հանդիպման հաշիվը բացեց «Աթլետիկոյի» արգենտինացի հարձակվող Խուլիան Ալվարեսը։ 70-րդ րոպեին արգենտինացի Դիեգո Սիմեոնեի գլխավորած թիմի առավելությունը կրկնապատկեց նորվեգացի հարձակվող Ալեքսանդր Սյորլոտը։

Անգլիայի չեմպիոն «Լիվերպուլը» հյուրընկալվեց  Չեմպիոնների լիգայի տիտղոսը պաշտպանող Ֆրանսիայի չեմպիոն ՊՍԺ-ին եւ պարտություն կրեց 0:2 հաշվով։ Աչքի ընկան ֆրանսիացի հարձակվող Դեզիրե Դուեն եւ վրացի հարձակվող Խվիչա Կվարացխելիան։

Չեմպիոնների լիգա, քառորդ եզրափակիչ, առաջին հանդիպում

«Բարսելոնա» - «Աթլետիկո Մադրիդ»՝ 0:2 (տեսանյութ)

Խուլիան Ալվարես, 45, Ալեքսանդր Սյորլոտ, 70

Հեռացում՝ Պաու Կուբարսի («Բարսելոնա»), 44

ՊՍԺ - «Լիվերպուլ»՝ 2։0 (տեսանյութ)

Դեզիրե Դուե, 11, Խվիչա Կվարացխելիա, 65

Պատասխան հանդիպում

Ապրիլի 14

«Աթլետիկո Մադրիդ» - «Բարսելոնա»՝ 23։00

«Լիվերպուլ» - ՊՍԺ՝ 23։00

Ապրիլի 15

«Արսենալ» - «Սպորտինգ»՝ 23։00 (առաջին խաղ՝ 1:0)

«Բավարիա» - «Ռեալ Մադրիդ»՝ 23։00 (առաջին խաղ՝ 2:1)

Եզրափակիչը տեղի կունենա մայիսի 30-ին Բուդապեշտում։

Հետևեք NEWS.am SPORT-ին Facebook-ում, Twitter և Telegram-ում