Արման Սահակյան․ ՀՖՖ նախագահի ընտրություններ գոյություն չունեն, իշխանության կողմից նշանակվող պաշտոն է (տեսանյութ)

NEWS.am Sport-ը ներկայացնում է նոր հաղորդաշար՝ «Ֆուտբոլի մասին» Վերա Մարտիրոսյանի հետ։

Առաջին հյուրը Գյումրիի «Շիրակ» ֆուտբոլային ակումբի սեփականատեր Արման Սահակյանն է։

Նա խոսել է ակումբի ակադեմիան Հայաստանի ֆուտբոլի ֆեդերացիային վերադարձնելու, ՀՖՖ նախագահի անիմաստ ընտրությունների և հայկական ֆուտբոլում առկա այլ խնդիրների մասին։

««Շիրակ» ֆուտբոլային ակումբը իր մանկապատանեկան ակադեմիան պատրաստ է հանձնել ՀՖՖ-ին, քանի որ ողբերգական դեպքից հետո Ֆեդերացիան պատրաստակամություն չհայտնեց վերանորոգել վթարային վիճակում գտնվող կառույցը: Մարզաբազան ակումբին հանձնելու առաջարկը մերժվել է: 600-ից ավելի մարզվող երեխաների ճակատագիրը անհայտ է․․․

ՀՖֆ նախագահի ընտրություններ գոյություն չունեն, իշխանության կողմից նշանակվող պաշտոն է․․․

Այն՝ ինչպես ՀՖՖ վարվեց «Փյունիկի» և «Ուրարտուի» սեփականատերերի հետ, պարզապես ամոթալի է․․․

Հայկական ֆուտբոլը ռեգրես է ապրում: Այս պահին Հայաստանից 6 ֆուտբոլիստ է խաղում արտերկրում, իսկ վրացի՝ 130․․․

Հայ պատանի ֆուտբոլիստները տեսնում են, թե ինչպես են հավաքական հրավիրվում նիգերիացի կամ Հայաստանի հետ կապ չունեցող ֆուտբոլիստներ, և դա կոտրում է նրանց․․․

Եթե հայկական ֆուտբոլում լուսավոր կետ կա, դա Մխիթարյանն է»,- ասել է Արման Սահակյանը:

Դիտեք «Ֆուտբոլի մասին» NEWS.am-ի յութուբյան ալիքում։

Հետևեք NEWS.am SPORT-ին Facebook-ում, Twitter և Telegram-ում