ՉԼ․ «Արսենալն» ու «Աստոն Վիլան» քառորդ եզրափակիչում են (տեսանյութ)

Անգլիական «Արսենալն» ու «Աստոն Վիլան» դուրս եկան Չեմպիոնների լիգայի քառորդ եզրափակիչ։

Պրեմիեր լիգայի փոխչեմպիոն «Արսենալը» 1/8 եզրափակիչի պատասխան խաղում 2:2 հաշվով ոչ ոքի խաղաց հոլանդական «ՊՍՎ Էյնդհովենի» հետ, որին Նիդերլանդներում հաղթել էր 7:1 հաշվով։

Քառորդ եզրափակիչում «Արսենալը» կմրցի Մադրիդի «Ռեալի» եւ «Աթլետիկոյի» դիմակայության հաղթողի հետ։

«Աստոն Վիլան» պատասխան խաղում ընդունեց բելգիական «Բրյուգեին» եւ առավելության հասավ 3:0 հաշվով։ Առաջին խաղում եւս հաղթել էր անգլիական թիմը՝ 3:1:

Քառորդ եզրափակիչում «Աստոն Վիլայի» մրցակիցը կլինի Ֆրանսիայի չեմպիոն ՊՍԺ-ն, որը պայքարից դուրս էր թողել Անգլիայի Պրեմիեր լիգայի առաջատար «Լիվերպուլին»։

Չեմպիոնների լիգա, 1/8 եզրափակիչ, պատասխան հանդիպում

«Արսենալ» - «ՊՍՎ Էյնդհովեն»՝ 2:2 (տեսանյութ), (առաջին խաղ՝ 7:1)

Ալեքսանդր Զինչենկո, 6, Դեքլան Ռայս, 37 – Իվան Պերիշիչ, 18, Կոուհայիբ Դրիոշ, 70

«Աստոն Վիլա» - «Բրյուգե»՝ 3:0 (տեսանյութ), (առաջին խաղ՝ 3:1)

Մարկո Ասենսիո, 50, 61, Յան Մատսեն, 57

Հեռացում՝ Կիրիանի Սաբե («Բրյուգե»), 17

«Աթլետիկո Մադրիդ» - «Ռեալ Մադրիդ»՝ 1:0 (տեսանյութ), (նշանակվել է լրացուցիչ ժամանակ), (առաջին խաղ՝ 1:2)

Քոնոր Գալագեր, 1

Չիրացրած 11մ՝ Վինիսիուս Ժունիոր («Ռեալ Մադրիդ»), 70

Հետևեք NEWS.am SPORT-ին Facebook-ում, Twitter և Telegram-ում