«Բարսելոնան» խնդիրներ չունեցավ՝ 4:0 (տեսանյութ)

Իսպանիայի առաջնության 26-րդ տուրում փոխչեմպիոն «Բարսելոնան» տանը մրցեց «Ռեալ Սոսիեդադի» հետ։ Գերմանացի Հանս-Դիտեր Ֆլիկի գլխավորած թիմը հաղթեց 4:0 հաշվով։

Կատալոնական ակումբից աչքի ընկան իսպանացի պաշտպան Խերարդ Մարտինը, իսպանացի կիսապաշտպան Մարկ Կասադոն, ուրուգվայցի պաշտպան Ռոնալդ Արաուխոն եւ լեհ հարձակվող Ռոբերտ Լեւանդովսկին։

Հյուրերը 17-րդ րոպեից խաղում էին 10 ֆուտբոլիստներով իսպանացի պաշտպան Էրից Էլուստոնդոյի հեռացումից հետո։

«Բարսելոնան» 57 միավորով առաջատարն է եւ 1 միավոր գերազանցում է երկրորդ տեղում գտնվող Մադրիդի «Աթլետիկոյին»։ «Ռեալ Սոսիեդադը» 9-րդն է՝ 34 միավոր։

Իսպանիայի առաջնություն, 26-րդ տուր

«Բարսելոնա» - «Ռեալ Սոսիեդադ»՝ 4:0 (տեսանյութ)

Խերարդ Մարտին, 25, Մարկ Կասադո, 29, Ռոնալդ Արաուխո, 56, Ռոբերտ Լեւանդովսկի, 60

Հեռացում՝ Արից Էլուստոնդո («Ռեալ Սոսիեդադ»), 17

Հետևեք NEWS.am SPORT-ին Facebook-ում, Twitter և Telegram-ում