«Նապոլին» ավելացված ժամանակում բաց թողեց հաղթանակը «Ռոմայի» նկատմամբ (տեսանյութ)

Իտալիայի առաջնության 23-րդ տուրում առաջատար «Նապոլին» հյուրընկալվեց «Ռոմային»։

Իտալացի Անտոնիո Կոնտեի գլխավորած թիմը հաղթանակը բաց թողեց ավելացված ժամանակում։ Գրանցվեց ոչ ոքի՝ 1:1:

29-րդ րոպեին մրցակցի դարպասը գրավեց հյուրերի իտալացի պաշտպան Լեոնարդո Սպինացոլան։

Մայրաքաղաքային թիմից ավելացված ժամանակում հավասարությունը վերականգնեց իսպանացի պաշտպան Անխելինյոն։

«Նապոլին» 54 միավորով գլխավորում է մրցաշարային աղյուսակը եւ 3 միավորի առավելություն ունի երկրորդ տեղում գտնվող չեմպիոն «Ինտերի» նկատմամբ, որն այս տուրում 1:1 հաշվով ոչ ոքի խաղաց փոխչեմպիոն «Միլանի» հետ։ «Ռոման» 9-րդն է՝ 31 միավոր։

Իտալիայի առաջնություն, 23-րդ տուր

«Ռոմա» - «Նապոլի»՝ 1:1

Անխելինյո, 90+2 - Լեոնարդո Սպինացոլա, 29

Հետևեք NEWS.am SPORT-ին Facebook-ում, Twitter և Telegram-ում