Շվեյցարացի մրցավար Սանդրո Շերերը կսպասարկի Եվրոպայի Սուպերգավաթւ «Ռեալ Մադրիդ» - «Ատալանտա» հանդիպումը, հաղորդում է ՈՒԵՖԱ-ի կայքը։ Նրան կօգնեն շվեյցարացիներ Ստեֆան Դե Ալմեյդան եւ Յոնաս Էրնին։
Շերերը 36 տարեկան է, սպասարկել է նաեւ Եվրո-2024-ի հանդիպումներ։
«Ռեալ» - «Ատալանտա» հանդիպումը տեղի կունենա օգոստոսի 14-ին Լեհաստանի մայրաքաղաք Վարշավայում։
Անցած մրցաշրջանում «Ռեալը» նվաճել է Չեմպիոնների լիգայի, «Ատալանտան»՝ Եվրոպայի լիգայի գավաթը։
Անցած տարի Եվրոպայի սուպերգավաթը նվաճել էր Չեմպիոնների լիգայի գավաթակիր, Անգլիայի չեմպիոն «Մանչեսթեր Սիթին», որը հետխաղային 11-մետրանոցներով հաղթել էր իսպանական «Սեւիլիային»։
Հետևեք NEWS.am SPORT-ին Facebook-ում, Twitter և Telegram-ում