Հայաստանի առաջատար շախմատիստուհիներ Էլինա Դանիելյանը, Լիլիթ Մկրտչյանը, Մարիամ Մկրտչյանը և Սուսաննա Գաբոյանը մեկնել են Հունաստանի Հռոդոս կղզի, հաղորդում է ՀՇՖ-ի ֆեյսբուքյան էջը: Նրանք կմասնակցեն ապրիլի 19-ին սկսվող կանանց Եվրոպայի 24-րդ անհատական առաջնությանը, որը կանցկացվի շվեյցարական մրցակարգով՝ 10 խաղափուլով:
Մրցանակային հիմնադրամը 60 հազար եվրո է։
Առաջնությունը նաև ընտրական է կանանց աշխարհի գավաթի խաղարկության համար: Նախնական տվյալներով՝ մասնակցության իրավունք կստանան առնվազն 10 շախմատիստուհիներ:
Եվրոպայի առաջնությունը կավարտվի ապրիլի 29-ին:
Հետևեք NEWS.am SPORT-ին Facebook-ում, Twitter և Telegram-ում