Արաուխո․ Շատ ափսոսում եմ, որ ձեզ ուրախություն չպարգեւեցի

Իսպանիայի չեմպիոն «Բարսելոնայի» ուրուգվայցի պաշտպան Ռոնալդ Արաուխոն սոցիալական ցանցերում արած գրառումով ափսոսանք է հայտնել Ֆրանսիայի չեմպիոն ՊՍԺ-ի դեմ Չեմպիոնների լիգայի քառորդ եզրափակիչի պատասխան հանդիպման արդյունքի առիթով։ Կատալոնական թիմը պարտվել էր 1:4 հաշվով եւ դուրս մնացել պայքարից։ Արաուխոն 29-րդ րոպեին հեռացվել էր վերջին հույս խախտման համար։

«Իմ կյանքում մեծ ուրախություն բերած ֆուտբոլն այս անգամ շատ ուժեղ հարվածեց ինձ։ Շնորհակալ եմ բոլորին, ովքեր անվերապահորեն աջակցեցին ինձ, շնորհակալ եմ ակումբակիցներիս, որոնք բոլոր ուժերը թողեցին խաղադաշտում, շնորհակալ եմ երկրպագուներին, որոնք մինչեւ վերջին պահը հավատում էին թիմին։ Շատ ափսոսում եմ, որ ձեզ ուրախություն չպարգեւեցի։ Դարձյալ կփորձենք։ Առա՛ջ, «Բարսելոնա», միասին եւ ընդմիշտ»,- գրել է Արաուխոն։

Փարիզում տեղի ունեցած առաջին խաղում «Բարսելոնան» հաղթել էր 3:2 հաշվով։

Կիսաեզրափակիչում ՊՍԺ-ի մրցակիցը կլինի Դորտմունդի «Բորուսիան»։

Հետևեք NEWS.am SPORT-ին Facebook-ում, Twitter և Telegram-ում