Մադրիդի «Ռեալում» առաջին մրցաշրջանն անցկացնող 20-ամյա անգլիացի կիսապաշտպան Ջուդ Բելինգեմը խոսել է Անգլիայի չեմպիոն «Մանչեսթեր Սիթիի» հետ առաջիկա դիմակայության մասին։ Թիմերը կհանդիպեն Չեմպիոնների լիգայի քառորդ եզրափակիչի պատասխան խաղում։ Մադրիդում գրանցվել էր ոչ ոքի՝ 3:3:
Չեմպիոնների լիգայի անցած տարվա կիսաեզրափակիչում «Ռեալն» Անգլիայում «Մանչեսթեր Սիթիին» պարտվել էր 0:4 հաշվով։
«Ակումբակիցներիս հետ խոսել եմ անցած տարվա պարտության մասին։ Իհարկե, տհաճ հիշողություն է։ Ես էլ եմ ունեցել խոշոր պարտություններ։ Նրանց հիասթափությունը կարելի է հասկանալ, բայց այդ հույզերը պետք է վերահսկել։
Այս անգամ Անգլիայում կլինի այլ խաղ, մենք չենք սկսում նոր դիմակայությունը 0:4 հաշվից։ Առաջին խաղում հաշիվը հավասար էր։ Տղաները քննարկել են դա։ Նրանք պրոֆեսիոնալներ են եւ նախկին արդյունքները թողնում են անցյալում։ Մենք պատրաստ ենք առաջիկա հանդիպմանը»,- Բելինգեմի խոսքը մեջբերում է Goal.com-ը։
«Մանչեսթեր Սիթի» - «Ռեալ» պատասխան հանդիպումը տեղի կունենա ապրիլի 17-ին եւ կմեկնարկի Երեւանի ժամանակով 23:00-ին։
Հետևեք NEWS.am SPORT-ին Facebook-ում, Twitter և Telegram-ում
01:50 , 30 ապրիլի 
01:11 , 30 ապրիլի 
00:14 , 30 ապրիլի 
22:58 , 29 ապրիլի 
20:05 , 29 ապրիլի 
19:43 , 29 ապրիլի 
18:58 , 29 ապրիլի 
18:12 , 29 ապրիլի 
16:09 , 29 ապրիլի 
15:02 , 29 ապրիլի 
