Սամվել Գասպարյանը՝ Եվրոպայի փոխչեմպիոն, Գարիկ Կարապետյանը՝ բրոնզե մեդալակիր

Բուլղարիա մայրաքաղաք Սոֆիայում անցկացվող ծանրամարտի Եվրոպայի առաջնությունում տղամարդկանց 102 կգ քաշային կարգում Սամվել Գասպարյանն ու Գարիկ Կարապետյանը չկարողացան ոսկե մեդալ նվաճել:

Սամվել Գասպարյանը երկամարտի 396 կգ արդյունքով նվաճեց փոխչեմպիոնի կոչումը (180+216): Գարիկ Կարապետյանը 394 կգ արդյունքով բրոնզե մեդալակիր է (182 + 212): 

Պոկում վարժության առաջին մոտեցմամբ Սամվել Գասպարյանը հաջողությամբ բարձրացրեց 173 կգ, Գարիկ Կարապետյանը պոկեց 177 կգ: Երկրորդ մոտեցմամբ Սամվել Գասպարյանը գլխավերեւում ֆիքսեց 177 կգ, Գարիկ Կարապետյանը՝ 182 կգ:

Երրորդ մոտեցմամբ Գասպարյանը բարձրացրեց 180 կգ: Գարիկ Կարապետյանն փորձեց նոր ռեկորդ սահմանել 187 կգ-ով, բայց ձախողեց: Այս վարժությունում Կարապետյանը նվաճեց փոքր ոսկե մեդալ, Գասպարյանը՝ փորք բրոնզե։

Այս վարժությունում փոքր արծաթե մեդալը նվաճեց աշխարհի եւ Եվրոպայի չեմպիոն, բելառուս Եվգենի Տիխոնցովը 181 կգ արդյունքով:

Հրում վարժությունում Սամվել Գասպարյանը բարձրացրեց 211 կգ, Գարիկ Կարապետյանը ձախողեց 211 կգ-ն: Երկրորդ մոտեցմամբ Կարապետյանը հրեց 212 կգ, Գասպարյանը չկարողացավ հրել 216 կգ-ը:

Երրորդ մոտեցմամբ Սամվել Գասպարյանը հրեց 216 կգ, Գարիկ Կարապետյանը ձախողեց նաեւ այս մոտեցումը, որի համար պատվիրել էր 217 կգ: Այս վարժությունում Գասպարյանը նվաճեց փոքր արծաթե մեդալ, Կարապետյանը՝ 5-րդն է:

102 կգ քաշային կարգի Եվրոպայի չեմպիոնի տիտղոսը երկամարտի 398 կգ արդյունքով նվաճեց աշխարհի եւ Եվրոպայի չեմպիոն, բելառուս Եվգենի Տիխոնովը:

Հետևեք NEWS.am SPORT-ին Facebook-ում, Twitter և Telegram-ում