«Միլանի» սենսացիոն պարտությունը (տեսանյութ)

Իտալիայի առաջնության 25-րդ տուրում «Մոնցան» ընդունեց «Միլանին» եւ հաղթեց 4:2 հաշվով։

Առաջին խաղակեսում 2:0 հաշվով հաղթեցին դաշտի տերերը իտալացի կիսապաշտպան Մատեո Պեսինայի եւ պորտուգալացի հարձակվող Դանի Մոտայի գոլերի շնորհիվ։

52-րդ րոպեին հեռացվեց «Միլանի» սերբ հարձակվող Լուկա Յովիչը։ 64-րդ րոպեին հաշվի տարբերությունը կրճատեց միլանյան թիմի ֆրանսիացի հարձակվող Օլիվիե Ժիրուն։ 88-րդ րոպեին էլ հավասարությունը վերականգնեց ամերիկացի հարձակվող Կրիստիան Պուլիշիչը։

90-րդ րոպեին «Մոնցայի» հաղթական գոլը խփեց ֆրանսիացի կիսապաշտպան Ուորեն Բոնդոն։ Ավելացված 5-րոպեին էլ հաշիվը 4:2 դարձրեց իտալացի հարձակվող Լորենցո Կոլոմբոն։

25 խաղից հետո «Միլանը»  52 միավորով երրորդն է եւ 2 միավոր հետ է երկրորդ տեղում գտնվող «Յուվենտուսից»։ «Մոնցան» 11-րդ տեղում է՝ 33 միավոր։ Առաջատար «Ինտերը» 24 խաղից հետո ունի 63 միավոր։

Իտալիայի առաջնություն, 25-րդ տուր

«Մոնցա» - «Միլան»՝ 4:2 (տեսանյութ)

Մատեո Պեսինա, 45, 11մ, Դանի Մոտա, 45+6, Ուորեն Բոնդո, 90, Լորենցո Կոլոմբո, 90+5 - Օլիվիե Ժիրու, 64, Կրիստիան Պուլիշիչ, 88

Հեռացում՝ Լուկա Յովիչ («Միլան»), 52

Հետևեք NEWS.am SPORT-ին Facebook-ում, Twitter և Telegram-ում