17:28 , 6 հունվարի, 2024

«Ինտերի» հաղթանակը, Մխիթարյանի գոլային փոխանցումը (տեսանյութ)

Իտալիայի առաջնության 19-րդ տուրում առաջատար «Ինտերը» Միլանում ընդունեց «Վերոնային»։ Իտալացի Սիմոնե Ինձագիի գլխավորած թիմը հաղթեց 2:1 հաշվով։

13-րդ րոպեին Հայաստանի հավաքականի նախկին ավագ, կիսապաշտպան Հենրիխ Մխիթարյանի փոխանցումից հետո հանդիպման հաշիվը բացեց աշխարհի չեմպիոն Արգենտինայի հավաքականի հարձակվող Լաուտարո Մարտինեսը։

Si va a riposo con il vantaggio del

Powered by @play_eFootball #ForzaInter #InterVerona pic.twitter.com/py4S05CYHZ
— Inter (@Inter) January 6, 2024

«Վերոնայի» պատասխան գոլը 74-րդ րոպեին խփեց ֆրանսիացի հարձակվող Թոմա Անրին։

83-րդ րոպեին Մխիթարյանին փոխարինեց չիլիացի հարձակվող Ալեքսիս Սանչեսը։

«Ինտերի» հաղթական գոլն ավելացված ժամանակում խփեց իտալացի կիսապաշտպան Դավիդե Ֆրատեզին։

«Ինտերը» 48 միավորով գլխավորում է մրցաշարային աղյուսակը եւ 5 միավոր առաջ է երկրորդ տեղում գտնվող «Յուվենտուսից», որը մեկ հանդիպում քիչ է անցկացրել։ «Վերոնան» 18-րդն է՝ 14 միավոր։

«Յուվենտուսն» այս տուրում հունվարի 7-ին կհյուրընկալվի վերջին տեղում գտնվող «Սալերնիտանային»։

Իտալիայի առաջնություն, 19-րդ տուր

«Ինտեր» - «Վերոնա»՝ 2:1

Լաուտարո Մարտինես, 13, Դավիդե Ֆրատեզի, 90+4 - Թոմա Անրի, 74

Չիրացրած 11մ՝ Թոմա Անրի («Վերոնա»), 90+10

Հեռացում՝ Դարկո Լազովիչ («Վերոնա»), 90+6

DAVIDE DAVIDE DAVIDE DAVIDE DAVIDE DAVIDE DAVIDE DAVIDE DAVIDE DAVIDE DAVIDE DAVIDE
DAVIDE DAVIDE DAVIDE DAVIDE DAVIDE DAVIDE DAVIDE DAVIDE

Powered by @play_eFootball #ForzaInter #InterVerona pic.twitter.com/e8Oo0TaGjf
— Inter (@Inter) January 6, 2024