Չեխիայի ներկայացուցիչներ Մարկետա Վոնդրոուշովան ու Կարոլինա Մուխովան եւ թունիսցի Օնս Ժաբերը դարձան Կանանց թենիսի ասոցիացիայի (WTA) տարվա ամփոփիչ առաջնության վերջին մասնակիցները, հաղորդում է WTA-ի մամուլի ծառայությունը։
Ավելի վաղ մասնակցության իրավունք էին ստացել լեհ Իգա Շվյոնտեկը, Բելառուսի ներկայացուցիչ Արինա Սաբալենկան, ամերիկացիներ Կորի Գաուֆն ու Ջեսիկա Պեգուլան եւ Ղազախստանի ներկայացուցիչ Ելենա Ռիբակինան։
Մրցաշարը կանցկացվի հոկտեմբերի 29-ից նոյեմբերի 5-ը Մեքսիկայի Կանկուն քաղաքում։
Հետևեք NEWS.am SPORT-ին Facebook-ում, Twitter և Telegram-ում