Մրցաշրջանի վերսկսմանը պատրաստվող Իտալիայի փոխչեմպիոն «Ինտերը» ստուգողական հանդիպում է անցկացրել իտալական «Սասուոլոյի» հետ։ Միլանյան թիմն առավելության է հասել նվազագույն հաշվով։ Միակ գոլը 63-րդ րոպեին խփել է բոսնիացի հարձակվող Էդին Ջեկոն, որին գոլային փոխանցում է կատարել իտալացի պաշտպան Ալեսանդրո Բաստոնին։
Հայաստանի հավաքականի նախկին կիսապաշտպան Հենրիխ Մխիթարյանը եղել է «Ինտերի» մեկնարկային կազմում եւ փոխարինվել է 49-րդ րոպեին։
Իտալիայի առաջնությունը կվերսկսվի հունվարի 4-ին։ «Ինտերը» 16-րդ տուրում կընդունի «Նապոլիին»։
Հետևեք NEWS.am SPORT-ին Facebook-ում, Twitter և Telegram-ում