10:03  ,  1 օգոստոսի, 2022

«Ինտերը» մտադիր է խզել Ալեքսիս Սանչեսի պայմանագիրը

Իտալիայի փոխչեմպիոն «Ինտերը» մտադիր է խզել պայմանագիրը չիլիացի հարձակվող Ալեքսիս Սանչեսի հետ, հաղորդում է gazetta.it-ը։ Միլանյան ակումբը 33-ամյա ֆուտբոլիստին առաջարկել է 5 միլիոն եվրո փոխհատուցում համագործակցությունը ժամանակից շուտ դադարեցնելու համար։

Ալեքսիս Սանչեսի պայմանագիրն «Ինտերի» հետ նախատեսված է մինչեւ հաջորդ մրցաշրջանի ավարտը։

Անցած մրցաշրջանում Ալեքսիս Սանչեսն իտալացի Սիմոնե Ինձագիի գլխավորած թիմի հետ բոլոր մրցաշարերում մասնակցել է 39 հանդիպման, խփել 9 գոլ, կատարել 5 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում