Բռնցքամարտի Հայաստանի հավաքականի գլխավոր մարզիչ Կարեն Աղամալյանը հույս ունի, որ Նարեկ Մանասյանի մասնակցությամբ մենամարտի արդյունքը կփոխվի։ Հայաստանի թիմը բողոքարկել է մրցավարների որոշումը եւ ռինգում սպասում է պատասխանի։
92 կգ քաշային կարգի կիսաեզրափակիչում Հայաստանի ներկայացուցիչը մենամարտել էր Իսպանիայի ներկայացուցիչ Էմանուել Ռայեսի հետ։ Մրցավարները հաղթանակը շնորհել էին Իսպանիայի թիմի անդամին։
«Մենամարտի մասին ոչինչ չեմ կարող ասել: Երկու ռաունդ հաղթեց Նարեկ Մանասյանը, երրորդ ռաունդում պարտվեց. հաշիվը հավասար էր: Մրցավարները հաղթանակը տվեցին կապույտ անկյունին, որը սխալ որոշում էր: Մենք համաձայն չենք այս որոշման հետ: Այժմ վերանայում են: Հուսանք որոշումը կփոխվի:
Չգիտեմ ինչ կլինի այս բողոքի արդյունքը, չեմ կարող ասել՝ կփոխվի որոշում, թե ոչ: Այսպիսի բան չէր եղել: Մենամարտում Նարեկ Մանասյանը առավել էր մրցակցից: Նկատողություն տվեցին մրցակցին, միավորից զրկեցին ու հաղթանակը նորից տվեցին Իսպանիայի ներկայացուցիչին»,- ասաց Կարեն Աղամալյանը, որն այս պահին ռինգում է Հայաստանի թիմի անդամների հետ:
Բռնցքամարտի ֆեդերացիայի նախագահ Հովհաննես Հովսեփյանը կապ է հաստատել միջազգային ֆեդերացիայի նախագահի հետ Ումար Կերմլյովի հետ, այժմ քննարկվում է մենամարտի արդյունքը վերանայելու հարցը։
Լուսինե Շահբազյան
Ֆոտո՝ Էմմա Ասատրյանի
Հետևեք NEWS.am SPORT-ին Facebook-ում, Twitter և Telegram-ում
00:58 , 27 ապրիլի 
23:53 , 26 ապրիլի 
22:24 , 26 ապրիլի 
21:56 , 26 ապրիլի 
21:43 , 26 ապրիլի 
21:32 , 26 ապրիլի 
21:11 , 26 ապրիլի 
21:02 , 26 ապրիլի 
20:43 , 26 ապրիլի 
19:38 , 26 ապրիլի 
