Մյունխենի «Բավարիայի» և Գերմանիայի հավաքականի կիսապաշտպան Լեոն Գորեցկան ոչ ավանդական սեռական կողմնորոշմամբ ֆուտբոլիստներին կոչ է արել քամինգ-աութ կատարել:
«Կարծում եմ՝ ֆուտբոլիստի քամինգ-աութը ճանապարհ կբացի շատ մարդկանց համար, որոնք ստիպված չեն լինի թաքցնել իրենց սեռական կողմնորոշումը: Որպես ակումբ, թիմ, երկրպագու ու հասարակություն՝ մենք պետք է քաջալերենք քամինգ-աութ կատարած խաղացողներին, և նրանց դատենք իրենց խաղով, այլ ոչ թե սեռական կողմնորոշման համար»,- Գորեցկայի խոսքը մեջբերում է StN-ը:
Այս մրցաշրջանում 26-ամյա Գորեցկան «Բավարիայի» կազմում բոլոր մրցաշարերում անցկացրել է 32 հանդիպում, դարձել 8 գոլի ու 9 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում