Ֆուտբոլի Հայաստանի հավաքականի իսպանացի գլխավոր մարզիչ Խոակին Կապառոսը հրապարակել է ազգային թիմի կազմը Լիխտենշտեյնի (մարտի 25), Իսլանդիայի (մարտի 28) ու Ռումինիայի (մարտի 31) հավաքականների դեմ 2022թ. աշխարհի առաջնության ընտրական փուլի խաղերի համար, հայտնում է ՀՖՖ մամուլի ծառայությունը։
Ընդլայնված կազմում տեղ են գտել 31 ֆուտբոլիստներ: Առաջին անգամ ազգային թիմից հրավեր են ստացել ռուսական «Կրասնոդարի» 20-ամյա կիսապաշտպան Էդուարդ Սպերցյանը, Վանաձորի «Լոռիի» խաղացող Արամ Քոչարյանը, «Ուրարտուի» 17-ամյա պաշտպան Էրիկ Սիմոնյանը և Հայաստանի Առաջին խմբում հանդես եկող ԲԿՄԱ-ի հարձակվող Ժիրայր Շաղոյանը:
Տևական ընդմիջումից հետո հավաքական են հրավիրվել Երևանի «Նոայի» խաղացողներ Ժոաո Ժորդի Մոնրոյ Արարատն ու Պետրոս Ավետիսյանը և «Ուրարտուի» նորեկ Արթուր Միրանյանը։ Վնասվածքի պատճառով հավաքականին չեն միանա թիմի ավագ Հենրիխ Մխիթարյանը և ռուսական «Խիմկիի» կիսապաշտպան Արշակ Կորյանը։
Դարպասապահներ
Դավիթ Յուրչենկո – «Ալաշկերտ»
Անատոլի Այվազով – «Ուրարտու»
Արսեն Բեգլարյան – «Ուրարտու»
Պաշտպաններ
Հովհաննես Համբարձումյան – «Անորտոսիս» (Կիպրոս)
Կամո Հովհաննիսյան – «Կայրաթ» (Ղազախստան)
Վարազդատ Հարոյան – «Աստանա» (Ղազախստան)
Անդրե Կալիսիր – «Ապոլոն Սմիրնիս» (Հունաստան)
Արման Հովհաննիսյան – «Փյունիկ»
Տարոն Ոսկանյան – «Ալաշկերտ»
Սերոբ Գրիգորյան – «Փյունիկ»
Հայկ Իշխանյան – «Շիրակ»
Ժոաո Ժորդի Մոնրոյ Արարատ – «Նոա»
Էրիկ Սիմոնյան – «Ուրարտու»
Հակոբ Հակոբյան – «Ուրարտու»
Կիսապաշտպաններ
Էդգար Բաբայան – «Ռիգա» (Լատվիա)
Գևորգ Ղազարյան – «Լամիա» (Հունաստան)
Տիգրան Բարսեղյան – «Աստանա» (Ղազախստան)
Վահան Բիչախչյան - «Ժիլինա» (Սլովակիա)
Խորեն Բայրամյան - «Ռոստով» (Ռուսաստան)
Սոլոմոն Իմե Ուդո – «Շախտյոր Կարագանդա» (Ղազախստան)
Էդուարդ Սպերցյան – «Կրասնոդար» (Ռուսաստան)
Արտակ Գրիգորյան – «Ալաշկերտ»
Կարեն Մուրադյան – «Արարատ»
Յուրի Գարեգինյան – «Նոա»
Պետրոս Ավետիսյան – «Նոա»
Արամ Քոչարյան – «Լոռի»
Ժիրայր Շաղոյան – ԲԿՄԱ
Հարձակվողներ
Սարգիս Ադամյան – «Հոֆենհայմ» (Գերմանիա)
Նորբերտո Բրիասկո Բալեկյան – «Ուրական» (Արգենտինա)
Ալեքսանդր Կարապետյան – «Արարատ-Արմենիա»
Արթուր Միրանյան – «Ուրարտու»
Հայաստանի հավաքականը կսկսի նախապատրաստությունն առաջիկա հանդիպումներին մարտի 22-ից՝ Շվեյցարիայի Սեն Գալեն քաղաքում: Թիմը Հայաստան կվերադառնա Լիխտենշտեյնի հավաքականի հետ հանդիպման հաջորդ օրը՝ մարտի 26-ին, և կշարունակի մարզական հավաքը ՀՖՖ Տեխնիկական կենտրոն/Ֆուտբոլի ակադեմիայում:
Հետևեք NEWS.am SPORT-ին Facebook-ում, Twitter և Telegram-ում