Ռուսաստանի գավաթ. 1/4 եզրափակիչի բոլոր մասնակիցները

«Ուֆան» դարձավ ֆուտբոլի Ռուսաստանի գավաթի խաղարկության քառորդ եզրափակիչի վերջին մասնակիցը: 1/8 եզրափակիչում Բաշկիրիայի թիմը 3:0 հաշվով վստահ հաղթանակ տարավ Եկատերինբուրգի «Ուրալի» նկատմամբ՝ բոլոր գոլերը խփելով երկրորդ խաղակեսում:

Քառորդ եզրափակիչի ուղեգիր ավելի վաղ նվաճել էին նաև Մոսկվայի ԲԿՄԱ-ն, «Լոկոմոտիվը», «Դինամոն», Տուլայի «Արսենալը», Գրոզնիի «Ախմատը», Սամարայի «Կռիլյա Սովետովը» և «Սոչին»: Վիճակահանությունը տեղի կունենա մարտի 3-ին:

Հիշեցնենք, որ Ռուսաստանի գործող գավաթակիրն է Սանկտ Պետերբուրգի «Զենիթը», որը 1/8 եզրափակիչում 1:2 հաշվով տնային պարտություն էր կրել Տուլայի «Արսենալից» և լքել պայքարը:

Ռուսաստանի գավաթ, 1/8 եզրափակիչ

«Ուֆա» - «Ուրալ»՝ 3:0

Տիմուր Ժամալետդինով, 51, 67, Կոմեն Անդրիչ, 58 (11մ)

Հետևեք NEWS.am SPORT-ին Facebook-ում, Twitter և Telegram-ում