Ֆուտբոլի Հայաստանի ազգային հավաքականի նորեկ, ռուսական «Ռոստովի» 28-ամյա կիսապաշտպան Խորեն Բայրամյանը մեկնաբանել է իր նորամուտը իսպանացի Խոակին Կապառոսի գլխավորած թիմում։ Հայաստանի հավաքականն Ազգերի լիգայի առաջին տուրում 1։2 հաշվով պարտվել է Հյուսիսային Մակեդոնիայի թիմի ֆուտբոլիստներին։
«Նորամուտս հավաքականում չստացվեց այնպես, ինչպես ես էի պատկերացնում, բայց ոչինչ՝ սա ֆուտբոլ է։ Գնում ենք առաջ։ Վստահ եմ, որ առջեւում կլինեն հաղթանակներ»,- գրել է Խորեն Բայրամյանը Ինստագրամում՝ հրապարակելով հավաքականի թիմայն լուսանկարը՝ արված Հյուսիսային Մակեդոնիայի դեմ հանդիպումից առաջ։
Ազգերի լիգայի երկրորդ տուրում Հայաստանի հավաքականը սեպտեմբերի 8-ին Երեւանում կընդունի էստոնացիներին։
View this post on Instagram
Հետևեք NEWS.am SPORT-ին Facebook-ում, Twitter և Telegram-ում