Ջեւան Չելոյանց. Յուրա Մովսիսյանի ու Արաս Օզբիլիսի հետ խնդիրներ չկան

Մոսկվայի «Սպարտակի» տնօրենների խորհրդի անդամ Ջեւան Չելոյանցը «Զենիթի» դեմ Ռուսաստանի առաջնության 26-րդ տուրի խաղից հետո անդրադարձել է Հայաստանի հավաքականի ֆուտբոլիստներ Յուրա Մովսիսյանին ու Արաս Օզբիլիսին:

«Պետք է հաղթեինք «Զենիթին»: Ինչ վերաբերում է Օզբիլիսի հետ կապված իրավիճակին, ապա նրա ու Մովսիսյանի հետ խնդիրներ չկան»,- Չելոյանցի խոսքը մեջբերում է «Р-Спорт»-ը:

Հիշեցնենք, որ ավելի վաղ ռուսական մամուլում լուրեր էին շրջանառվում, որ «Սպարտակը» որոշել է տրանսֆերի հանել Արաս Օզբիլիսին եւ Յուրա Մովսիսյանին: Օզբիլիսը քննադատել էր «Սպարտակի» թուրք գլխավոր մարզիչ Մուրատ Յակինին, սակայն ավելի ուշ հայտարարել էր, որ իր խոսքը աղավաղվել է, բայց նա տուգանվելու է այդ հարցազրույցի համար: Մովսիսյանն էլ իր հերթին հայտարարել էր, որ Վալերի Կարպինի օրոք «Սպարտակն» ավելի գեղեցիկ, կոմբինացիոն եւ դիտարժան խաղ էր ցուցադրում։ Դրանից հետո «Սպարտակը» արգելեց Մովսիսյանին հաղորդակցվել լրատվամիջոցների ներկայացուցիչների հետ։