Բասկետբոլի ազգային ասոցիացիայի «Մեմֆիս» ակումբի բասկետբոլիստ Զակ Ռենդոլֆը 10 հազար դոլար է նվիրաբերել պիտբուլ ցեղատեսակի շանը փրկելու եւ բուժելու համար, հաղորդում է The Memphis Commercial Appeal-ը։
Շանը պատահաբար գտել են ջրահեռացման խողովակում` Մեմֆիսի մոտակայքում:
Պարզվել է, որ բազմաթիվ հիվանդություններով տառապող շունը մի քանի օր մնացել է թակարդում:
Իմանալով պատահարի մասին` Ռենդոլֆը գումարը փոխանցել է այն անասնաբուժական կենտրոնին, որտեղ հայտնվել է շունը: 31-ամյա խաղացողը հայտնել է, որ անհրաժեշտության դեպքում կփոխհատուցի շան բուժման բոլոր ծախսերը:
«Շատ եմ սիրում այս ցեղատեսակի շներին: Այս ցեղատեսակի 8-9 շուն ունեմ: Ես նրանց բազմացնում եմ, վաճառում, մասնակցում տարբեր միջոցառումների: Նրանք ագրեսիվ շների վատ համբավ ունեն»,- հայտարարել է բասկետբոլիստը:
Նմանատիպ բարի արարքները բնորոշ չեն Ռենդոլֆին: Նրա կենսագրությունում ավելի հաճախ կարելի է հանդիպել օրինախախտումների, քան բարի գործերի, հայտնում է gazeta.ru-ն։
Հետևեք NEWS.am SPORT-ին Facebook-ում, Twitter և Telegram-ում