Ֆուտբոլի Հայաստանի Բարձրագույն խմբի առաջնության 17-րդ տուրում Երեւանի «Փյունիկը» սեփական խաղադաշտում 1:2 հաշվով պարտվեց Դիլիջանի «Իմպուլսին»:
Խաղի 29-րդ րոպեին առաջնության լավագույն ռմբարկու Նորայր Գյոզալյանը գեղեցիկ հարվածով առաջ մղեց «Իմպուլսին»՝ խփելիվ իր 10 գնդակը ընթացիկ մրցաշրջանում: 70-րդ րոպեին փոխարիման մտած Ռումյան Հովսեփյանը կրկնապատկեց դիլիջանցիների առավելությունը: Ավելացված ժամանակում «Փյունիկի» հարձակվող Վիուլեն Այվազյանը կրճատեց հաշվի տարբերությունը, սակայն ավելին անել չհաջողվեց:
«Փյունիկը» 24 միավորով մնաց 5-րդ տեղում, իսկ «Իմպուլսը» 32 միավորով եզրափակում է լավագույն եռյակը:
Հայաստանի առաջնություն. 17-րդ տուր
«Փյունիկ» - «Իմպուլս»՝ 1:2
Վիուլեն Այվազյան, 90+3 (11մ.) – Նորայր Գյոզալյան, 29, Ռումյան Հովսեփյան, 70
Հետևեք NEWS.am SPORT-ին Facebook-ում, Twitter և Telegram-ում