ԱՄՆ-ի հավաքականը չորրորդ անընդմեջ հաղթանակը տարավ Լոնդոնի Օլիմպիական խաղերի բասկետբոլի տղամարդկանց մրցաշարում:
Չորրորդ տուրում ամերիկացիները 99:94 հաշվով դժվարին հաղթանակ տարան Լիտվայի հավաքականի նկատմամբ: Լիտվացիները ֆանտաստիկ հանդիպում անցկացրին՝ արժանի դիմադրություն ցույց տալով DreamTeam-ին: Չորրորդ քառորդում Լիտվայի թիմը նույնիսկ առաջ անցավ հաշվի մեջ, սակայն ամերիկացիները հաղթեցին բարձր կարգի հաշվին:
Հանդիպման ամենաարդյունավետ խաղացողն էր լիտվացի Լինաս Կլեյզան, որը հավաքեց 25 միավոր:
Չորրոդ տուրից հետո ԱՄՆ-ի հավաքականը 100 տոկոսանոց արդյունքով գլխավորում է A խմբի մրցաշարային աղյուսակը: Խմբային փուլի վերջին տուրում DreamTeam-ի մրցակիցը կլինի Արգենտինայի հավաքականը: Լիտվացիները նույնպես պահպանում են փլեյ-օֆֆի ուղեգիր ձեռք բերելու հնարավորությունը:
30-րդ Օլիմպիական խաղեր
Բասկետբոլ, տղամարդիկ
A խումբ, 4-րդ տուր
Լիտվա – ԱՄՆ՝ 94:99 (25:33, 26:22, 21:23, 22:21)
Հետևեք NEWS.am SPORT-ին Facebook-ում, Twitter և Telegram-ում