Հայտնի է դարձել, թե մայիսին ձերբակալված իտալացի ֆուտբոլիստ, Հռոմի «Լացիոյի» կիսապաշտպան Ստեֆանո Մաուրին խաղադրույքներ է կատարել, որոնք նրան մեծ գումարներ էին բերել:
Հիշեցնենք, որ ոստիկանությունը Մաուրիին մեղադրում էր պայմանավորված խաղերի կազմակերպման մեջ:
Այժմ ընթանում է հետաքննություն, սակայն որոշ փաստեր շատ խոսուն են: Պարզվում է, որ Մաուրին երկու եվրոյով «էքսպրես» խաղադրույք է կատարել` իրար կապելով երկու իրադարձություն: Արդյունքում նա շահել է 10 հազար եվրո: Նման եկամուտներ ապահովել էր 0:3 արդյունքը «Ֆիորենտինա» - «Նապոլի» խաղում (գործակիցը` 40) եւ նույն արդյունքը նաեւ «Ինտեր» - «Բոլոնիա» (գործակիցը` 125) խաղում, հաղորդում է sportske.jutarnji.hr-ն:
Հետևեք NEWS.am SPORT-ին Facebook-ում, Twitter և Telegram-ում