Բռնցքամարտի Հայաստանի հավաքականի գլխավոր մարզիչ Կարեն Աղամալյանը Ռիո-2016 Օլիմպիական խաղերի մասնակցության հաշվետվությամբ հանդես է եկել Հայաստանի սպորտի եւ երիտասարդության հարցերի նախարարությունում:
Նա տեղեկացրել է, որ 2016 թվականի սկզբին հավաքականի գլխավոր մարզչի պարտականությունները ստանձնելուց հետո կատարվել է մեծածավալ աշխատանք մարզիկներին օլիմպիական խաղերին նախապատրաստելու համար:
«Արդյունքում ունեցանք 5 վարկանիշ։ Սա աննախադեպ է հայկական բռնցքամարտի պատմության մեջ: Օլիմպիական խաղերի ընթացքում մեր տղաները հանդես են եկել իրենց ուժերի առավելագույն չափով: Ցավոք, մեր կանխատեսած մեդալները չկարողացանք ձեռք բերել»,- ասել է մարզիչը:
Նրա խոսքով՝ նախապատրաստական աշխատանքներին մեծապես աջակցել են թե՛ ֆեդերացիան, թե՛ ՀԱՕԿ-ը եւ թե՛ նախարարությունը: «Սակայն, քանի որ Օլիմպիական խաղերից վերադարձել ենք առանց մեդալների, ուստի մեր մասնակցությունը բավարար գնահատել չեմ կարող»,- նշել է Կ. Աղամալյանը:
Նախարարությունում ստեղծված հաշվետվություններն ընդունող եւ Օլիմպիական խաղերին մասնակցությունն ուսումնասիրող աշխատանքային խումբը նույնպես հայ բռնցքամարտիկների մասնակցությունը Ռիո-2016-ին գնահատել է անբավարար, փոխանցում է նախարարության կայքը:
Հետևեք NEWS.am SPORT-ին Facebook-ում, Twitter և Telegram-ում
00:42 , 6 մայիսի 
23:56 , 5 մայիսի 
22:14 , 5 մայիսի 
22:01 , 5 մայիսի 
21:32 , 5 մայիսի 
21:25 , 5 մայիսի 
20:56 , 5 մայիսի 
19:35 , 5 մայիսի 
19:02 , 5 մայիսի 
18:37 , 5 մայիսի 
