Ֆորմուլա-1-ի «Մարուսյա» թիմի թեստ-արշավորդ Մարիա դե Վիլոտան կորցրել է աջ աչքը եւ գտնվում է ծայրահեղ, բայց կայուն վիճակում բրիտանական Դաքսֆորդում կայացած թեստային մեկնարկի ժամանակ վթարի ենթարկվելուց հետո:
Ռուսական թիմի հաղորդմամբ, Մարիային վիրահատել են` փորձելով վերացնել դեմքի եւ երեսի լուրջ վնասվածքների հետեւանքները: Վիրահատությունը տեւել է ողջ գիշեր:
«Մենք երախտապարտ ենք բժիշկներին` Մարիայի հանդեպ նման հոգատարության համար, եւ նրա ընտանիքը ցանկանում է շնորհակալություն հայտնել պլաստիկ վիրաբուժության եւ նյարդաբանության բաժնին: Սակայն խորը կսկիծով պետք է հայտնեմ, որ ստացած վնասվածքների արդյունքում Մարիան կորցրել է աջ աչքը:
Մենք լրջորեն ուսումնասիրում ենք տեղի ունեցածը եւ այդ աշխատանքը ներկա պահին շարունակվում է:
Մենք ստացել ենք բազմաթիվ հաղորդագրություններ, որտեղ Մարիային, նրա ընտանիքին եւ թիմին աջակցում են, եւ դրա համար մեր երախտագիտությունն ենք հայտնում»,- «Մարուսյա» թիմի ղեկավար Ջոն Բուտի խոսքն է մեջբերում Autosport-ը:
Հիշեցնենք, որ Մարիա դե Վիլոտան վերջին թեստային մեկնարկի ժամանակ կորցրել է կառավարումը եւ նրա բոլիդը բախվել է բեռնատարին:
Հետևեք NEWS.am SPORT-ին Facebook-ում, Twitter և Telegram-ում
13:11 , 12 մայիսի 
12:14 , 12 մայիսի 
11:05 , 12 մայիսի 
10:15 , 12 մայիսի 
09:03 , 12 մայիսի 
00:39 , 12 մայիսի 
23:01 , 11 մայիսի 
22:44 , 11 մայիսի 
22:25 , 11 մայիսի 
21:52 , 11 մայիսի 
