Գերմանիայում մարզումային հավաք անցկացնող Արաբական Միացյալ Էմիրությունների «Ալ Ֆուջեյրա» թիմը ստուգողական հանդիպում է անցկացրել գերմանական «Կիրխանշերինգի» հետ եւ առավելության է հասել նվազագույն հաշվով:
Միակ գոլը խփել է Հայաստանի հավաքականի կիսապաշտպան Մարկոս Պիզելին, որն առաջին անգամ է աչքի ընկնում նոր թիմում:
31-ամյա ֆուտբոլիստը Սաուդյան Արաբիայի «Ալ Ռայեդից» է տեղափոխվել «Ալ Ֆուջեյրա»: Մարկոս Պիզելին հրավիրվել է Հայաստանի հավաքական՝ օգոստոսի 31-ին Չեխիայի հետ ընկերական խաղին եւ սեպտեմբերի 4-ին Դանիայի դեմ աշխարհի առաջնության ընտրական փուլի մեկնարկային հանդիպմանը:
Հետևեք NEWS.am SPORT-ին Facebook-ում, Twitter և Telegram-ում