«Միլանը» պաշտոնապես հայտարարել է Վինչենցո Մոնտելային թիմի գլխավոր մարզիչ նշանակելու մասին:
41-ամյա մասնագետն իտալական ակումբի հետ կնքել է 2 տարվա պայմանագիր, որն ուժի մեջ կմտնի 2016-ի հուլիսի 1-ից: «Միլանի» գլխավոր մարզիչի պաշտոնում Մոնտելան կփոխարինի Կրիստիան Բրոկիին:
Նախորդ մրցաշրջանի երկրորդ հատվածում Մոնտելան գլխավորում էր «Սամպդորիան»: Ավելի վաղ հաղորդվում էր, որ «Միլանում» նրա տարեկան աշխատավարձը կազմելու է 2.3 միլիոն եվրո, իսկ «Սամպդորիան» փոխհատուցում է ստանալու ժամանակից շուտ պայմանագիրը խզելու համար: Մարզչական կարիերայի ընթացքում Մոնտելան գլխավորել է նաեւ «Ռոման», «Կատանին» ու «Ֆիորենտինան»:
Հետևեք NEWS.am SPORT-ին Facebook-ում, Twitter և Telegram-ում