Դորտմունդի «Բորուսիայի» գործադիր տնօրեն Հանս-Յոահիմ Վացկեն պատմել է, որ գերմանական ակումբը դեռ վերջնական որոշում չի կայացրել Հայաստանի հավաքականի կիսապաշտպան Հենրիխ Մխիթարյանի ապագայի հարցում:
«Իրավիճակը կքննարկենք այս շաբաթ: Ցանկալի է, որ այդ հարցը շուտ լուծվի: Մխիթարյանի տրանսֆերի հարցը պետք է լուծվի մինչեւ հուլիսի 4-ը, երբ թիմը սկսելու է նախամրցաշրջանային հավաքը: Դա շատ բարդ որոշում է»,- «Բորուսիայի» ղեկավարի խոսքը մեջբերում է sport.de-ն:
Հիշեցնենք, որ «Բորուսիայի» հետ Հենրիխ Մխիթարյանի գործող պայմանագիրն ավարտվում է 2017-ի ամռանը եւ կողմերը փոխհամաձայնության չեն գալիս այն երկարաձգելու հարցում: Ավելի վաղ հայ կիսապաշտպանի գործակալ Մինո Ռայոլան էլ նշել էր, որ Հենրիխը ցանկանում է տեղափոխվել «Մանչեսթեր Յունայթեդ», իսկ «Բորուսիայում» կողմերը շարունակում են բանակցությունները լարված մթնոլորտում:
Ավարտված մրցաշրջանում Հենրիխ Մխիթարյանը «Բորուսիայի» կազմում 52 խաղ է անցկացրել բոլոր մրցաշարերում եւ դարձել է 23 գոլի եւ 29 գոլային փոխանցման հեղինակ: Նա խաղադաշտում անցկացրել է 4383 րոպե:
Հետևեք NEWS.am SPORT-ին Facebook-ում, Twitter և Telegram-ում
16:38 , 17 մայիսի 
16:02 , 17 մայիսի 
15:47 , 17 մայիսի 
15:11 , 17 մայիսի 
14:14 , 17 մայիսի 
13:45 , 17 մայիսի 
13:02 , 17 մայիսի 
12:29 , 17 մայիսի 
11:45 , 17 մայիսի 
11:22 , 17 մայիսի 
