Մեր կիսաեզրափակիչում ֆավորիտը Գերմանիան է: Եթե մենք լավ պատրաստվենք այս խաղին, ապա կարող ենք գերմանացիների հետ պայքարել, հայտարարել է Իտալիայի հավաքականի գլխավոր մարզիչ Չեզարե Պրանդելին:
«Մեզ հարկ կլինի պայքարել ամեն գնդակի համար, ինչը որոշ չափով կկանխորոշի մեկնարկային կազմը: Կփորձենք գերմանացիների խաղը մանրազնին վերլուծել: Իմ ֆուտբոլիստները նոր են սկսում հասկանալ, որ շատ բանի են ընդունակ: Եթե մենք ամեն խաղում 30 հարված կատարենք, ապա կհաղթենք: Անգլիայի հետ խաղում մենք գնդակին 68 տոկոս էինք տիրում. դա պետք է օգտագործել»,- Պրանդելիի խոսքն է մեջբերում Football Italia-ն:
Եվրո-2012-ի կիսաեզրափակիչի Գերմանիա – Իտալիա հանդիպումը տեղի կունենա հունիսի 28-ին:
Հետևեք NEWS.am SPORT-ին Facebook-ում, Twitter և Telegram-ում