Բրիտանական իշխանությունները հրաժարվել են մուտքի վիզա տրամադրել Սիրիայի Ազգային օլիմպիական կոմիտեի նախագահ գեներալ Մուաֆակ Ջումային, որը պետք է մասնակցի հուլիսի 27-ին մեկնարկելիք Լոնդոնի Օլիմպիական խաղերի բացման արարողությանը։
Մեծ Բրիտանիայի Ներքին գործերի նախարարությունը մերժումը պատճառաբանել է Սիրիայի նախագահ Բաշար Ասադի ռեժիմի հետ՝ գեներալի սերտ կապերի առկայությամբ։
Միջազգային օլիմպիական կոմիտեն կարող է բողոքարկել բրիտանական իշխանությունների որոշումը, հաղորդում է BBC-ն։
Հետևեք NEWS.am SPORT-ին Facebook-ում, Twitter և Telegram-ում