Մյունխենի «Բավարիայի» ֆրանսիացի կիսապաշտպան Ֆրանկ Ռիբերին խաղադաշտում առաջին մարզումն է անցկացրել վնասվածքից հետո:
Ֆրանսիայի հավաքականի 32-ամյա ֆուտբոլիստը կրնկի վնասվածք էր ստացել Դոնեցկի «Շախտյորի» դեմ Չեմպիոնների լիգայի նախորդ մրցաշարի 1/8 եզրափակիչի խաղում:
Ռիբերին անհատական ծրագրով մարզվել է «Բավարիայի» ֆիզպատրաստության մարզիչի հետ, գրում է L'Equipe-ը:
Դեռ չի նշվում, թե ֆրանսիացի կիսապաշտպանը երբ կկարողանա դուրս գալ խաղադաշտ:
Հետևեք NEWS.am SPORT-ին Facebook-ում, Twitter և Telegram-ում