Հայաստանի երիտասարդական հավաքականի նախկին կիսապաշտպան Հրաչ Յագանը երկարաձգել է ֆուտբոլի Շվեյցարիայի առաջին լիգայում հանդես եկող «Սերվետի» հետ գործող պայմանագիրը։ Նոր համաձայնագիրը նախատեսված է մեկ տարով, սակայն ունի եւս մեկ տարով երկարաձգելու հնարավորություն։
«Նպատակս «Սերվետում» ելույթներս շարունակելն է: Հպարտ եմ, որ եկարաձգել եմ Շվեյցարիայի լավագույն թիմերից մեկի հետ պայմանագիրը: Ամեն ինչ կանեմ՝ թիմին ուժեղագույնների լիգա վերադառնալու գործում օգնելու համար»,- Յագանի խոսքը մեջբերում «Սերվետի» կայքը:
Հիշեցնենք, որ նախկինում բելգիահայ կիսապաշտպանը խաղացել է բելգիական «Ստանդարդում» եւ Կապանի «Գանձասարում»: 2014-ին Յագանը հանդես էր գալիս շվեյցարական Առաջին լիգայի «Մերեն» թիմում:
Հետևեք NEWS.am SPORT-ին Facebook-ում, Twitter և Telegram-ում