Պորտուգալիայի հավաքականի հարձակվող Կրիշտիանու Ռոնալդուն պատրաստ է հեռանալ Մադրիդի «Ռեալից», տեղեկացնում է Don Balon-ը:
30-ամյա ֆուտբոլիստի որոշմանը կարող են նպաստել մի քանի պատճառներ: Նախ Ռոնալդուին դուր չի եկել, թե ակումբի նախագահ Ֆլորենտինո Պերեսն ինչպես վարվեց թիմի գլխավոր մարզիչի պաշտոնից հեռացված Կարլո Անչելոտիի հետ: Հարձակվողի ու Պերեսի հարաբերություններն այնքան էլ լավ չեն: Բացի այդ, Ռոնալդուին դուր չի գալիս, որ «Ռեալի» նախագահը թիմի ապագան շատ հարցերում կապում ուելսցի կիսապաշտպան Գարեթ Բեյլի հետ: Պորտուգալացին նաեւ կողմ չէ, որ իսպանացի Ռաֆայել Բենիտեսը գլխավորի «Ռեալը»:
Հիշեցնենք, որ Ռոնալդուի եւ մադրիդյան ակումբի միջեւ գործող պայմանագիրը նախատեսված է մինչեւ 2018-ի ամառը:
Հետևեք NEWS.am SPORT-ին Facebook-ում, Twitter և Telegram-ում