Դորտմունդի «Բորուսիայի» հետ գործող պայմանագիրը երկարաձգել հրաժարված Իլկայ Գյունդոգանը մրցաշրջանի վերջում այլ ակումբ է տեղափոխվելու:
«Բորուսիայի» գործադիր տնօրեն Միխայել Ցորկի խոսքով՝ Գերմանիայի հավաքականի կիսապաշտպանի տրանսֆերի հարցով առաջնային տարբերակ է համարվում Մյունխենի «Բավարիան», իսկ մյուս թեկնածուն Թուրինի «Յուվենտուսն» է: Բացի այդ, Ցորկը հերքել է լուրերը, թե Գյունդոգանը կարող է տեղափոխվել անգլիական «Մանչեսթեր Յունայթեդ»: 24-ամյա ֆուտբոլիստի գործող պայմանագիրն ավարտվում է 2016-ի ամռանը:
Հետևեք NEWS.am SPORT-ին Facebook-ում, Twitter և Telegram-ում