Ֆուտբոլի Ալբանիայի հավաքականի գլխավոր մարզիչ Ջիանի դե Բիազին մեկնաբանել է Եվրո-2016-ի ընտրական խաղում Հայաստանի նկատմամբ կամային հաղթանակը:
«Խաղի մեկնարկը հաջող չէր մեզ համար, սակայն ես ոչինչ չփոխեցի սկզբնամասում: Մեր գոլերը սպասելի էին, քանի որ ունեցանք մի շարք վտանգավոր պահեր: Սա չափազանց կարեւոր խաղն էր մեզ համար, թեեւ Հայաստանի հավաքականը խմբի առաջատարներից չէ: Այսօր ստեղծեցինք մի շարք գոլային պահեր եւ արժանի էինք հաղթանակի: Երկրորդ խաղակեսում ուեինք մեծ առավելություն եւ կարողացանք օգտվել դրանից: Այս խաղը կօգնի մեզ շտկել սխալները եւ հետագայում չկրկնել դրանք»,- մարզիչի խոսքը մեջբերում է panorama-sport.com-ը:
Հիշեցնենք, որ Ալբանայի Էլբասան քաղաքում կայացած խաղի մինչեւ 77-րդ րոպեն Հայաստանի հավաքականն առջեւում էր հաշվի մեջ, սակայն պարտվեց 1:2 հաշվով: Հանդիպման վերջին 20 րոպեները Հայաստանի հավաքականն անցկացրեց 10 ֆուտբոլիստներով:
Հետևեք NEWS.am SPORT-ին Facebook-ում, Twitter և Telegram-ում