Հայաստանի ազգային հավաքականի եւ «Վարդարի» կիսապաշտպան Արտակ Դաշյանը վերջերս ընդգրկվեց Մակեդոնիայի առաջնության առաջին շրջանի խորհրդանշական հավաքականում, ինչպես նաեւ ճանաչվեց լավագույն ֆուտբոլիստներից մեկը: Դաշյանի արդյունավետ խաղի մասին պարբերաբար գրում են մակեդոնական լրատվամիջոցները, սակայն ֆուտբոլիստը Պորտուգալիայի դեմ Եվրո-2016-ի ընտրական խաղից առաջ չհրավիրվեց Հայաստանի հավաքական, թեեւ ընդգրկվել էր թիմի նախնական ցուցակում: NEWS.am Sport-ի թղթակիցը զրուցեց 25-ամյա ֆուտբոլիստի հետ:
Արտակ, քո՝ ազգային հավաքական չհրավիրվելը շատերի համար մեծ անակնկալ էր: Ինքդ ինչպե՞ս ընդունեցիր այդ լուրը:
Անկեղծ ասած, ես էլ չէի սպասում, բայց դե կյանք է, իսկ ֆուտբոլում ամեն բան պատահում է:
Ի՞նչ կասես այն մեղադրանքի մասին, թե դու էիր մեղավոր սերբերից բաց թողած գոլի մեջ:
Չէի ցանկանա խոսել այդ հարցի շուրջ:
Հովհաննես Համբարձումյանի հետ ընդգրկվեցիք Մակեդոնիայի առաջնության առաջին շրջանի խորհրդանշական հավաքականում, իսկ դու ճանաչվեցիր լավագույն ֆուտբոլիստներից մեկը: Գուցե գտնվում ես կարիերայիդ ամենաօպտիմալ մարզավիճակում:
Այո, կարծում եմ՝ այս պահին շատ լավ մարզավիճակում եմ:
Ինչպե՞ս ստացվեց, որ հենց Մակեդոնիայում սկսեցիր ցուցադրել լավագույն որակներդ:
Լավ խաղիս օգնում է կայուն թիմային խաղը, մարզիչի վստահությունն իմ հանդեպ եւ, իհարկե, նաեւ իմ կայունությունը:
Այդպես էլ պարզ չդարձավ, թե ինչու հեռացար Բահրեյնից:
Չէի ցանկանում մնալ այնտեղ: Ցանկանում էի խաղալ Եվրոպայում:
Առաջիկա կես տարում ի՞նչ նպատակներ ես դրել քո առջեւ:
Դառնալ Մակեդոնիայի չեմպիոն եւ գավաթակիր, ինչպես նաեւ հնարավորինս բարելավել խաղային մակարդակս:
Վերա Մարտիրոսյան
Հետևեք NEWS.am SPORT-ին Facebook-ում, Twitter և Telegram-ում
22:24 , 26 ապրիլի 
21:56 , 26 ապրիլի 
21:43 , 26 ապրիլի 
21:32 , 26 ապրիլի 
21:11 , 26 ապրիլի 
21:02 , 26 ապրիլի 
20:43 , 26 ապրիլի 
19:38 , 26 ապրիլի 
19:00 , 26 ապրիլի 
18:01 , 26 ապրիլի 
